المنتجات والمخزون
تضيف منتجاتك وتصنيفاتها، وتطبع الباركود، وتتابع المخزون
المنتجات والمخزون
من "أصناف" في القايمة الجانبية (للمدير بس)، هتلاقي 3 شاشات: المنتجات، التصنيفات، والمخزون.
منتجاتك كتير ومش فاضي تدخّلها؟ فريق مكيال يقدر يدخّلها لك ويدرّب اللي شغالين معاك. التفاصيل في صفحة الأسعار.
التصنيفات
التصنيفات (/categories) بتقسّم منتجاتك لمجموعات، زي: ملابس، شنط، إكسسوارات.
ضيف تصنيف
| الخانة | فيها إيه |
|---|---|
| اسم التصنيف (لازم) | زي: ملابس حريمي |
| التصنيف الرئيسي (اختياري) | لو عايزه تصنيف جوّه تصنيف تاني. التصنيفات الفرعية بتظهر في شجرة بتتفتح وتتقفل |
| مرئي (شغّال من الأول) | لو قفلته، التصنيف بيستخبى من شاشة البيع من غير ما يتمسح |
تقدر تعرض التصنيفات كشجرة أو كقايمة واحدة، من الزرار اللي فوق الجدول.
امسح تصنيف
دوس على أيقونة المسح، وهيتمسح على طول من غير ما يسألك. لو التصنيف جوّاه تصنيفات فرعية، مش هيتمسح وهتلاقي "لا يمكن حذف التصنيف"، فامسح أو انقل الفرعية الأول. منتجات التصنيف اللي اتمسح مش بتتنقل لوحدها، وبتتعامل كإنها "غير مصنّفة".
المنتجات
ضيف منتج
من /products، دوس على "إضافة منتج":
| الخانة | لازم؟ | فيها إيه |
|---|---|---|
| اسم المنتج | — | |
| السعر | أكبر من صفر | |
| صورة المنتج | اختياري | اسحب الصورة وسيبها في الخانة (مفيش كاميرا ولا لينك). بتتصغّر وتتقص لوحدها |
| التصنيف | اختياري | من غيره، المنتج بيبقى "غير مصنّف" |
| الباركود | اختياري | الرقم اللي بتمسحه وتدوّر بيه |
| كود المنتج (SKU) | اختياري | كود داخلي بتاعك، غير الباركود |
| تنبيه المخزون | اختياري | أقل كمية، ولما المخزون يوصلها لونه بيتغيّر في المخزون |
مفيش إخفاء لمنتج لوحده. الإخفاء على مستوى التصنيف بس.
مفيش إضافة منتج من شاشة البيع
لو دوّرت على منتج مش موجود وإنت بتبيع، هتلاقي "لا توجد منتجات" بس. ضيفه الأول من /products.
جدول المنتجات
فيه: الاسم، السعر، والتصنيف. الكمية مش فيه، الكمية في شاشة المخزون.
على كل منتج
- طباعة باركود: بتطبع ملصق باركود للمنتج
- تعديل: بيفتح نفس صفحة الإضافة ببيانات المنتج
- حذف: بيمسح المنتج على طول من غير ما يسألك. مبيعاته القديمة بتفضل محفوظة، بس المسح مبيترجعش
المخزون
شاشة "المخزون" (/stock) للعرض بس، مفيهاش إضافة ولا تعديل. الكميات بتتحسب لوحدها من المشتريات اللي حالتها "مكتمل" ومن البيع، مش رقم بتكتبه.
فيها: الاسم، الكمية دلوقتي (أحمر لو وصلت لحد التنبيه أو أقل، أصفر لو قرّبت منه، أخضر غير كده)، حد التنبيه، آخر سعر شراء وتاريخه، وآخر سعر بيع وتاريخه.
تدوّر على منتج
من قايمة المنتجات، اكتب الاسم في خانة البحث. ومن شاشة البيع، اكتب الاسم أو امسح الباركود.
الباركود
كاميرا جهازك هي السكانر:
- من شاشة البيع، دوس على زرار الباركود
- وجّه الكاميرا للباركود
- لو جهازك فيه أكتر من كاميرا، هتلاقي زرار تبدّل بيه
لو الباركود متسجل على منتج، المنتج بيتضاف للفاتورة على طول.
عندك سكانر USB أو بلوتوث؟ بيشتغل برضه: دوس على خانة البحث في شاشة البيع وامسح، والمنتج بيتضاف للفاتورة على طول. مش محتاج تظبط حاجة في مكيال. لو المنتج متضافش، اتأكد إن السكانر بيدوس Enter بعد الرقم.
رسايل الأخطاء
"لا توجد منتجات"
مفيش منتج بالاسم ده، أو لسه مضفتش منتجات.
حصل خطأ وإنت بتضيف
اتأكد إنك كتبت الاسم والسعر، وإن النت شغال.
نصايح
اكتب أسامي واضحة - عشان إنت والموظفين تلاقوا المنتج بسرعة
ضيف باركود لكل منتج - البيع بيبقى أسرع
قسّم منتجاتك بتصنيفات - الكاشير يوصل للمنتج من غير بحث
بص على المخزون كل فترة - خصوصاً المنتجات اللي قرّبت من حد التنبيه
فكّر قبل ما تمسح - المسح مبيسألكش ومبيترجعش