مقدمة
مكيال إيه، معمول لمين، وتبدأ منين
مكيال إيه؟
مكيال كاشير بيشتغل على الموبايل أو التابلت أو الكمبيوتر اللي معاك، وبيكمّل بيع حتى لو النت فصل. من غير أجهزة تشتريها، ولا حد ييجي يسطّبلك، ولا رسوم على كل كاشير تزوّده.
ومعاه لوحة تحكم لصاحب المحل، يتابع منها الاشتراك والموظفين والتقارير.
ليه مكيال؟
- النت فصل؟ شغلك مبيقفش. البيع بيتسجل على الجهاز، ويترفع لوحده أول ما النت يرجع.
- موبايلك هو الكاشير. لا ماكينة، ولا سكانر، ولا تسطيب. كاميرا الموبايل بتقرا الباركود، والإيصال بيتطبع من المتصفح.
- زوّد كل اللي شغالين معاك بنفس السعر. كاشيرات ومديرين وأجهزة من غير حد. السعر على المحل، مش على عدد الناس.
مكيال معمول لمين؟
صاحب المحل
محل واحد ملابس أو إكسسوارات أو هدايا أو مستحضرات تجميل أو إكسسوارات موبايل، ومعاك كام موظف. عايز تعرف بعت إيه، وفاضل إيه في المخزن، ومين عليه كام.
بياع المعارض والبازارات
ستاند في معرض أو بازار والشبكة زحمة. موبايلك في إيدك والبيع ماشي، وآخر اليوم تعرف اتباع إيه وفاضل إيه.
مكيال مش مناسب لمين دلوقتي؟
بنقولها بصراحة عشان متضيعش وقتك:
- الكافيهات والمطاعم: مفيش طاولات، ولا بون مطبخ، ولا مكونات.
- السوبر ماركت والصيدليات: مفيش بيع بالميزان، ولا تواريخ صلاحية.
- الأنشطة اللي ليها أكتر من فرع: مكيال لمحل واحد، ومفيش تحويل مخزون بين الفروع.
تبدأ منين؟
- مكيال بيشتغل إزاي: الصورة كاملة في 3 دقايق.
- افتح حساب: لو إنت صاحب المحل.
- ادخل على شاشة البيع: لو إنت كاشير في المحل.