مكيال بيشتغل إزاي
لوحة صاحب المحل وشاشة البيع، وإزاي بيشتغلوا مع بعض
حاجتين بيشتغلوا مع بعض
مكيال فيه حاجتين: لوحة لصاحب المحل، وشاشة بيع للي واقفين على الكاشير.
1. لوحة صاحب المحل
بتفتحها من mekyaal.com، ومنها:
- تتابع اشتراكك وتمدّده
- تضيف الموظفين وتحدد مين كاشير ومين مدير
- تشوف التقارير: المبيعات، المشتريات، المخزون، والآجل
2. شاشة البيع
بيفتحها الموظفين على الرابط الخاص بمحلك (زي mahalak.mekyaal.com)، ومنها:
- يبيعوا ويطبعوا الإيصال
- يسجّلوا حسابات العملاء والموردين والآجل
- يسجّلوا المدفوعات
- يدخّلوا المنتجات والمشتريات ويتابعوا المخزون
اللي بيفرّق مكيال
النت فصل؟ شغلك مبيقفش
- الكاشير بيكمّل بيع عادي والنت فاصل
- كل بيعة بتتسجل على الجهاز الأول
- أول ما النت يرجع، كل حاجة بتترفع لوحدها، من غير ما تدوس على حاجة
الاستثناء الوحيد: أول تسجيل دخول على أي جهاز محتاج نت. التفاصيل في لما النت يفصل.
موبايلك هو الكاشير
مكيال بيفتح من المتصفح على:
- الموبايل: أندرويد وآيفون
- التابلت: آيباد وأي تابلت أندرويد
- الكمبيوتر: ويندوز وماك
وتقدر تنزّله على الشاشة الرئيسية من المتصفح نفسه، من غير متجر تطبيقات، ويشتغل زي الأبلكيشن بالظبط.
من غير أجهزة تشتريها
- الباركود: كاميرا الموبايل هي السكانر. ولو عندك سكانر USB أو بلوتوث، بيشتغل برضه.
- الطباعة: الإيصال وملصق الباركود بيتطبعوا من المتصفح على أي طابعة متوصلة بجهازك.
زوّد كل اللي شغالين معاك بنفس السعر
كاشيرات ومديرين ومنتجات وعملاء وأجهزة من غير حد. السعر على المحل، مش على عدد الناس. الباقات والأسعار في صفحة الأسعار.
بالمصري
البرنامج كله والشرح ده بالمصري، بالكلام اللي بتقوله في محلك.
إيه اللي بيوصل لمين وإمتى؟
- المنتجات والأسعار والعملاء: لما حد يغيّرهم، بيظهروا على كل الأجهزة لوحدهم.
- المبيعات: كل جهاز بيرفع مبيعاته. وعشان تشوف مبيعات كل الأجهزة، افتح شاشة "مبيعات".
- التقارير: بتتحسب لما تفتح صفحة التقارير. لو حد باع وإنت فاتحها، اعمل تحديث للصفحة.